Од денес, преку серверите на проектот Amarok достапно е алфа издание на популарниот музички плеер Amarok 2.0 под името Neon. Корисниците на (K/X)Ubuntu може да го симнат преку Apt-get складиштето достапно овде.

Се работи за алфа верзија, нормално е да има пропусти. Ако сакате да му помогнете на развивачите на Amarok, пријавувајте ги.

Инаку, Amarok од верзија 2.0, покрај за GNU/Linux ќе биде достапен и за Windows и за Mac OS платформите.

Една од најстарите GNU/Linux дистрибуции, Slackware Linux од неодамна се носи со својата најнова верзија, 12.1.

Новитетите што оваа дистрибуција ги носи се многу, почнувајќи од Xfce 4.4.2, KDE 3.5.9, поддршка за HAL, како и 2.6.24.5 верзија на Linux јадрото. Исто така актуелна надоградба е и Xorg 7.3.0.

Белешки за изданието. Можете да го симнете од овде.

Денес беше објавена новата верзија на една од најпопуларните GNU/Linux дистрибуции, Ubuntu 8.04 (Hardy Heron). И оваа верзија доаѓа со солидни подобрувања и подобрен македонски превод. За тура низ новите подобрувања кликнете тука.

Покрај тоа што зад GNU/Linux стои директен пристап до изворниот код за прилагодување на Вашите потреби, досега се има формирано цврста основа преку заедницата на корисници која им помага на новите корисници при започнувањето со работа со овој оперативен систем. Во овој текст се споменуваат 7 навики што треба да ги стекнете за да имате ефективно искористување на можностите на GNU/Linux. Сепак, не се само тие, корисникот своите навики ги стекнува со индивидуално искусување и доаѓање во допир со предизвиците што слободниот софтвер ги нуди за изнаоѓање на решенија за проблемите со кои би се соочиле.

Интересна статија за Ubuntu се појави на сајтот на BBC News. Покрај најавите за новата верзија на оваа дистрибуција, се дава осврт и на работата на „таткото“ на проектот Ubuntu, Mark Shuttleworth.

Вреди да се прочита.

По објавените бета верзии на новиот Ubuntu 8.04 полека почна се ближи и конечната верзија на овој оперативен систем. Планирано е Ubuntu 8.04 да биде готов и конечната верзија ќе може да се симне на 24 Април 2008. До објавување на новата верзија останаа уште 3 дена. Очекувањата на корисниците се многу големи, а и Ubuntu заедницата се надева дека нема да ги изневери потреби и очекувањата на корисниците.

На натпреварот за хакирање што под името Pwn2Own се одржа викендов, натпреварувачите преку безбедносните пропусти на трите најпопуларни системи требаше да срушат Mac OS X Leopard, Microsoft Windows Vista и Ubuntu GNU/Linux систем. Сите три беа ажурирани со последните безбедносни надградби достапни непосредно пред почетокот на „нападите“ преку нивните системи за надоградување.

Најбрзо падна OS X Leopard, по еден ден падна Vista, а Ubuntu остана непобеден. Тие кои успеаа да ги соборат Leopard и Vista како награда ги зедоа компјутерите на кои овие системи работеа.

Излезе последната верзија од серијата 2 на OpenOffice.org. Следна верзија ќе биде 3.0. Оваа верзија доаѓа со многу нови можности и поправки на грешки. Симнување на македонска верзија тука.

Плус одлична презентација на новите можности на OO.org 2.4.

Следната стабилна верзија на Ubuntu GNU/Linux, 8.04 треба да излезе во месец април. Дотогаш остануваат уште неколку бета изданија за тестирање на новитетите во Ubuntu HardyHeron. Денес излезе првата бета верзија на HardyHeron. Главна промена во оваа бета верзија е GNOME 2.22, новата верзија на работната околина GNOME, Xorg 7.3, подобрено Linux 2.6.24 јадро и други новитети. Сите што сакаат да помогнат во доразвивањето на стабилната верзија може да пријавуваат грешки и предлози преку стандардните ресурси на Ubuntu заедницата.

Со децении никој не се осмелил да ја предизвика Општата јавна лиценца од правна гледна точка. Впрочем никој не се ни осмелил да проба да ја победи на суд. Последната битка што ОЈЛ ја доби е во спорот помеѓу Правниот центар за слободен софтвер (Software Freedom Law Center) и Verizon, компанијата која ја имаше прекршено општата јавна лиценца и која на 17ти март, понуди паричен надомест со цел да се избегне дополнителното фијаско но и како начин за разрешување на спород надвор од судот.