И покрај тоа што на Вики постои статија која треба да ве насочи за безболна миграција кон Ubuntu Linux, Ви ја донесуваме и оваа содржина, (анг.) How to replace Windows completely with Ubuntu. Послушајте го дечкото, паметен е!

Со мало задоцнување Ве известуваме дека вчера излезе Ubuntu 7.10, и сите верзии од неговата фамилија. Ubuntu 7.10 Desktop Edition има подобрен интерфејс, подобра поддршка за хардвер, справување со некомпатибилни компоненти и неслободни драјвери како и поквалитетна можност за 3D работна околина. Нови верзии има и од Kubuntu и Edubuntu, како и од серверската верзија на Ubuntu.

Прегледи: 1 и 2.

Проектот KDE оди сигурно кон следната голема официјална верзија на KDE4. На почетокот на 2008ма се очекува да се случи и тоа, а на патот до таму уште неколку бета верзии и кандидати за изданието. Така и со KDE4, beta 3 изданието. Од KDE велат:

„Оваа бета најмногу е фокусирана на завршување на дизајнот на библиотеките и подготовка за изданието на платформата за развој на KDE (KDE Development Platform). Сепак, многу видливи измени се направени и можат лесно да се забележат во оваа верзија на KDE4. Покрај новитетите и новите можности на KDE4, поправени се и многу пропусти и грешки во софтверот и стабилноста на бета 3 е значително зголемена во однос на претходните бета верзии. Со ова се означува почетокот за финализирање на KDE4.

Многу очи и усти останаа ширум отворени на неодамнешната одлука на OSI со која се одобрија две лиценци на гигантот кој сите овие години е во постојана борба со движењето за слободен софтвер. Имено,  делувајќи според советите на советот за одобрување на лиценци при OSI, бордот одобри две лиценци на Microsoft, и тоа: Microsoft Public License и Microsoft Reciprocal License. Одлуката за одобрување е донесена со консензус од заедницата на слободен софтвер и со нејзино знаење, што значи дека лиценците ги задоволуваат 10те критериуми на дефиницијата за „софтвер со отворен код“ (open source).

Како што и најавивме, некои одлуката ја сметаат за добра и чекор кон ослободување на Microsoft-овите кодови, некои пак за бизарна и со двојна умисла. Ќе видиме, ќе видиме...

Базиран на RHEL 5.1, главно наменет за влади и мали бизниси, со сите потребни мултимедијални кодеци од Fluendo, Red Hat ќе ја објави новата верзија на нивниот оперативниот систем наменет главно за работни станици. Уште од сега е јасно дека RHGD нема да претставува конкурент на Ubuntu или Windows а тоа го потврдува и вклучувањето на застарената верзија на GNOME 2.16 во оваа дистрибуција.

Ако ве интересира повеќе кликнете тука.

Иако искусните корисници и обожаватели на KDE овие совети веќе ги знаат одамна, оваа содржина за новите во светот на KDE нуди 12 финти кои можете да ги примените за поквалитетно искористување на работната околина.

Ubuntu проектот, во духот на претходните изданија на крајните корисници им нуди можност за нарачка на нивната омилена дистрибуција преку Интернет, со што одредена количина дискови ќе бидат испорачани на домашната адреса на нарачателот/корисникот.

Иако Edgy (верзија 6.10) не можеше да се нарача онлајн, тоа за серијата Gutsy Gibbon не важи. Ubuntu, Kubuntu и Edubuntu GNU/Linux може да се нарачаат од нивните соодветни сајтови, и покрај тоа што нема официјална верзија на дистрибуцијата:

• shipit.ubuntu.com - за Ubuntu;
• shipit.kubuntu.org - за Kubuntu;
• shipit.edubuntu.org - за Edubuntu;

Xubuntu сеуште не е поддржана дистрибуција со оригинални дискови, но изданието е во тек со останатите изданија, такашто со излегувањето на трите горенаведени верзии се очекува Gutsy Gibbon и од Xubuntu. Остануваат уште 8 дена.

Mandriva 2008 е достапна за симнување преку официјалната страница на дистрибуцијата. Известување за изданието може да прочитате овде, како и листа со сервери од каде што можете да симнете ISO слики.

Оваа верзија вклучува последни верзии на голем број софтвер и подобрување во однос на претходните верзии. Има KDE 3.5.7, GNOME 2.20, а исто така и Linux 2.6.22.9. За поголемо уживање и за љубителите на 3D работна околина, како и во речиси сите модерни дистрибуции, оваа верзија нуди можност за работа со Compiz Fusion и Metisse.