Филмови

Big Buck Bunny, т.е. вториот слободен (слободен како во „слободен говор“ -лиценциран според моделот на CreativeCommons) филм направен од продукцијата на фондацијата Blender, која неодамна го извади Elephant’s Dream, е достапен за симнување. Краток 3D филм кој нема да ги остави рамнодушни ни малите ни големите. Големиот бел зајак решава да воспостави мир и ред во околината која ја реметат 3 мали немирковци.

Доколку сакате да го поддржите проектот можете да купите DVD.

Не мислиме дека е потребна посебна најава на овој филм. Документарецот за GNU и Linux, кој е своевидна класика е на програмата на ова Кино. За оние што не знаат овој филм ја следи историјата на развој на слободен софтвер, GNU и Linux, од нејзините акaдемски почетоци до големиот бизнис развој.

Како што вели постерот, гледањето е задолжително. Не го пропуштајте. Kултурeн центар Точка во 20 часот.

Првиот филм направен исклучиво со слободен софтвер Elephants Dream веќе е достапен за преземање. Ве молам симнете го преку торент бидејќи веб серверот на проектот веќе е преоптоварен.
Филмот е издаден под Creative Commons лиценца, што значи дека секој што ќе го симне може слободно да го дистрибуира. Ако има доброволец кој би го превел на македонски, нека се зачлени тука.

Mplayer е пуштач на филмови кој работи под Linux. На него можете да гледате VideoCD-а, SVCD-а, DVD-а, 3ivx, DivX 3/4/5 па дури и WMV датотеки. Mplayer ја доби наградата (германски) за најдобар пуштач на филмови на годината, а сега е достапен и на македонски јазик. Сега за сега постои само изворен .rpm пакет и ако имате било какви проблеми со него, можете да го контактирате преведувачот. Повелете: MPlayer-1.0pre2-1.src.rpm.

Пред некое време испратив линк на текст, за тоа колку Линуксоидите немаат соодветен Мултимедијален плеер кој би доаѓал спакуван во секоја Линукс дистрибуција. Добро е што не беше објавен на странава, бидејки денеска прочитав демант на тој текст, поврзан со излегувањето на новата верзија на MPlayer 0.90 кој претставува софтвер за работа со речиси сите потребни Мултимедијални формати: MPEG, VOB, AVI, OGG/OGM, VIVO.

Изгледа дека Linux навистина стана она вистинското за секоја филмска куќа за графика. Имено, New York Times пишува дека Disney премина на HP работни станици базирани на Linux, кои ќе ги користи за дел од своите анимации. Иако Disney воглавно се познати по своите рачно цртани анимации, ова е многу значаен премин кон Linux за нив како една од најпознатите продукциски куќи за анимирани филмови во светот.