Firefox

Денес излезе Firefox 3.0.

Честитки за сите корисници на најпопуларниот прелистувач и едно мало потсетување. Ако сте ветиле да го симните Firefox 3.0 со што ќе помогнете регистрирање на гинисов рекорд за најпреземен софтвер, можете да го сторите преку официјалниот сајт за преземање.

Во рамките на објавувањето на Firefox 3, Слободен софтвер Македонија и македонскиот тим за локализација на Mozilla, на 18ти јуни со почеток од 20:00 часот организираат забава во културниот центар Точка. Ден порано, истиот настан се оддржува низ илјадници градови во целиот свет.

Преземете го Firefox 3 утре учествувајте во поставувањето на гинисов светски рекорд за најпреземен софтвер од интернет. Пријавување тука.

Се гледаме во Точка!

Ако сте некој од оние кои сакаат нивниот Firefox да изгледа како некој друг програм за сурфање или пак сте некој кој сака да му помогне на својот пријател со тоа што неосетно ќе го мигрира од IE на Frirefox, тогаш ова упатсво е за вас: врска.

Упатсвото на Linux.com ќе ви покаже како може лисицата да заличи на Сафари, Опера, Нетскејп...

Излезе првата бета верзија на најпопуларниот прелистувач, Firefox, верзија 3.0.

Верзијата не е препорачана за секојдневна употреба, само за развивачи и тестери, затоа што сепак е бета и има пропусти кои може да повлијаат на интегритетот на Вашите податоци.

Симнување овде.

Со десет дена задоцнување од појавувањето на верзијата 1.5 на Фајрфокс, денес излезе и верзијата на македонски јазик. Можете да ја симнете од тука. Ако автоматски не ви го прапознае јазикот и оперативниот систем, симнете си ја од тука. Со здравје да си ја користите.

Пред една недела ја проверив статистиката на посетите на мојот блог преку Google Analytics и ми се потврди она што го гледам насекаде околу мене, дека Фајрфокс се користи од најголемиот број на интернет корисници (статистиката на блогот во меѓувреме покажува намалување на корисници на ИЕ за уште 4%). Вчера на Оннет имаше објавено врска до видео од анкета за тоа дали луѓето преферираат повеќе Интернет Експлорер или Фајрфокс и зошто. Убедливо поголем беше бројот на Фајрфокс корисници. Битката околу интернет прелистувачите е добиена. Одиме на следната, десктоп корисници. ;-)

Денес конечно излезе верзијата 1.5 на Фајрфокс. Извадок од новостите во неа:

• Автоматско ажурирање со нови верии, па сега нема веќе потреба за целосно симнување на новата верзија, се симнуваат само промените;
• побрза навигација на прелистувачот, со преработени Напред/Назад функции;
• повлечи/испушти преуредување на јазичињата во прелистувачот;
• подобро блокирање на поп-ап прозорчиња;
• лесно чистење на лични податоци, како што е историјата на сурфањето;
• подобрена подршка за DHTML;
• подобрување за веб дизајнерите. Се јавува подршка за SVG, canvas елементи, Java Script 1.6, текстуални колони на CSS3...

За жал, македонската верзија ќе се забави неколку дена. За нестрпливите кои сакаат веднаш македонска верзија, можат да ја симнат

Кога излезе Фајрфокс 1.0, беше проследен со масивна рекламна кампања во која меѓу другото беше објавена реклама во Њујорк Тајмс на цела страница. Сега пред излегувањето на верзијата 1.5 се планира рекламирањето да се прошири на помасовни медиуми како што е телевизија. Се планира креирање на рекламен спот за Фајрфокс. Затоа сите кои имате паметни идеи што да има во спотот, како да изгледа или имате во глава цело сценарио одете на SpreadFirefox и искажете се.

Вчера на 09.11.2005 се наврши една година од излегувањето на првата официјална верзија на огнената лисица. Од тогаш ја имаат преземено 106,4 милиони пати, што според едни е 8,65%, а според други дури 11,5% од светскиот пазар. За неколку недели ќе излезе и втората главна верзија 1.5 која веќе се тестира од околу 500.000 корисници. Ако сакате да бидете еден од нив симнете си ја од тука. Верзијата 1.5 носи со себе многу подобрувања меѓу кои нај главни се автоматско ажурирање со кое веќе нема да морате да го симнувате целиот пакет на Фајрфокс кога ќе излезе нова верзија, побрзо исцртување на страниците, сигурносни поправки... За наредниот период се најавува агресивен развоен циклус, така да во средината на 2006 ќе имаме веќе Фајрфокс 2, а Фајрфокс 3 ќе излезе во првата четврина на 2007 година. Не знам кој друг софтвер направил таков пробив во светски рамки за толку кратко време, а вие?

ИБМ донирал 50.000 линии код на Мозила фондацијата за да го направи Фајрфокс употреблив за лица со оштетен вид и неподвижни лица. Значи наскоро Фајрфокс ќе ни ги чита страниците :-) Целата вест на ZDNet.